5° concorso di poesia
Don Baignu
“Veldi la più alta Poesia“
Maccari in mezu a tanti difficultai e in cunsidéru di lu momentu stóricu diffìcili, aemu l’accia di abbrì a li poeti la cuinta edizioni di lu Prémiu di Poesia a innommu di Don Baignu Pes, “Veldi la più alta poesia”. Lu femu cu’ l’umiltai di sempri sapendi chi pói lu risultatu finali andarà a vantaggju di la letteratura salda, di la poesia e innant’a tuttu di la linga. In chista edizioni aemu duùtu strignì un pocu li currìi e tirà la bridda a un cabaddu chi oramai curri dapareddu pa’ li risultati e lu cunsidéru chi ha illi poeti e illi studiósi di linga salda, ma li pussibilitai e li dispunibilitai no so li di l’alti anni. Aemu tandu ridottu un pocu la cunsistènzia di li prémi chi fèlmani, in dugna casu, di ‘alori dignitósu. Cun chista edizioni pudemu dì d’aé missu a concorsu 10 anni di li meddu poesii primiati in tutti li concorsi di Saldigna, un patrimóniu impultanti e didatticu chi spiremu di riscì a accuddì in una sustanziósa antologia chi possia esse missa a disposizioni di li scóli e bibliotechi. La Giuria, di letterati, studiósi e poeti, presieduta da Prof. Duilio Caocci, in chistu 2026 arà di sgiaminà li poesìi chi so stati primiati l’annu 2016 e l’annu 2025. Ambaremu, tandu, l’ópari di li poeti, in tutti li lingaggji di Saldigna, in módu d’apprizzià ancóra di più, cun li so’ diversitai, la ricchesa di la nostra letteratura e sighì chidd’antica sèmita fatta di tradizioni, custumi, lingaggji e canti, chi cilca lu caminu esattu pal pultacci in finitia “Veldi la più alta poesia”.
(Gianfranco Garrucciu)
Anche in mezzo a tante difficoltà e tenendo conto del difficile momento storico che stiamo vivendo, abbiamo l’audacia di aprire ai poeti la quinta edizioni del Premio di Poesia intitolato a Don Gavino Pes. “Veldi la più alta poesia”. Lo facciamo con l’umiltà di sempre sapendo che il risultato finale andrà a vantaggio della letteratura sarda, della poesia e soprattutto della lingua. In questa edizione abbiamo dovuto stringere un poco le stringhe e tirare le briglie a un cavallo che ormai corre da solo visti i risultati e la considerazione guadagnata tra i poeti e gli studiosi di lingua sarda, ma le risorse non sono più quelle di anni passati.
Abbiamo quindi ridotto leggermente la consistenza dei premi che comunque restano di valore dignitoso.
Con questa edizione possiamo dire di aver messi a concorso dieci anni della miglior poesia premiata in Sardegna, un patrimonio importante e didattico che speriamo di poter raccogliere in una sostanziosa antologia che possa essere messa a di sposizione di scuole e biblioteche.
La Giuria composta di letterati, studiosi e poeti, presieduta dal Proffessor Duilio Caocci, in questo 2026 dovrà esaminare le poesie premiate tra l’anno 2016 e il 2025. Abbiamo, dunque, le opere dei poeti, in tutte le lingue di Sardegna, in modo di apprezzare ancora di più, con le loro diversità, la ricchezza della nostra letteratura e seguire quell’antica eredità fatta di tradizioni, costumi, linguaggi e canti, che cerca di portarci finalmente alla “Veldi la più alta poesia”.
(Gianfranco Garrucciu)
Graduatoria finale
Verbale riunione di qiuria del 05 luqlio 2026
Addì 05/07/2026, alle ore 10.30, nei locali dell’Auditorium dello storico Palazzo Pes Villamarina, sito in via Villamarina, si è tenuta la riunione della Giuria del Premiu di Poesia Salda Don Baignu, “Veldi la più alta poesia” (5ª edizione).
Alla presenza del Presidente Prof. Duilio Caocci e dei componenti: Anna Cristina Serra, Domitilla Mannu, Simone Pisano, Antonio Rossi, Antonio Brundu, Riccardo Mura, Gianfranco Garrucciu e della Segretaria Dr.ssa Valentina Spano, si è proceduto, dopo avere stabilito criteri e metodi di valutazione delle opere, all’esame delle 66 opere pervenute, rappresentative della totalità dei primi premi in lingua sarda degli anni 2016 e 2025.
Dopo approfondito esame e ampia discussione, si è arrivati ad una decisione unanime sulle risultanze della graduatoria finale che è stata così formulata
è assegnato il Primo premio assoluto all’opera,
“Li mé banderi” del poeta Giuseppe Tirotto di Castelsardo,
poesia già vincitrice del
I Concorso di poesia “Caragnani” – Calangianus (marzo 2016)
Sono invece assegnati i seguenti secondi Ex-Aequo alle opere:
“Jannas serradas”, del poeta Giangavino Vasco di Bortigali,
già vincitrice dell’XXI edizione del premio “Santa Barbara”, Sez. poesia in rima – Silius (dicembre 2016)
“Era una notti d’invernu”, del poeta Domenico Battaglia di La Maddalena,
già vincitrice del I Premio Premio “Lungoni” – Santa Teresa Gallura – (dicembre 2016)
“Ingurtosus”, della poetessa Teresa Piredda di Perugia,
già vincitrice della LXVI edizione del premio “Ozieri” Sez. “Antoni Sanna”- Ozieri (novembre 2025)
“Abbèntu sulianu”, del poeta Andrea Columbano di Calangianus,
già vincitrice della XII Edizione premio ARCI “Città di Olbia” – Olbia – (dicembre 2025)
“Paragulas mustrencas…”, del poeta Giovanni Piga di Nuoro,
già vincitrice del XXVIII concorso di poesia “CREI – ACLI”, Sez. versi sciolti – Orgosolo (novembre 2016)
“Tristas Poesias”, del poeta Antonio Maria Pinna di Pozzomaggiore,
già vincitrice della XXXV Edizione Premio ‘e poesia Sarda, Sez. in rima – POSADA (agosto 2016)
“Unu giassu de luxi”, del poeta Guglielmo Piras di Sinnai,
già vincitrice della IV Edizione “Saboris e coloris de Iscroca” Sez.versi liberi – Escolca (giugno 2016)
“Limbamama”, del poeta Pier Giuseppe Branca di Cheremule,
già vincitrice Concorso di poesia “Po Peppino Mereu”, Sez. musicale – Tonara (novembre 2025)
I lavori si sono conclusi alle ore 12,30.
Il Presidente della Giuria
Prof. Duilio Caocci
La segretaria della Giuria
Dr.ssa Valentina Spano
Di seguito i componimenti del 5° concorso di poesia "Don Baignu"
Primo Premio
Li me’ banderi
Pogghi bandéri hani vintuladdu
a li meʹ venti, umbè
l’ammenti, dolci, ardenti, liggéri.
Biancu e niédda la primma,
a isthrisci oppósthi che lu bè e lu mali,
eppuru uniddi impari
m’isthrascìnani sempri in bagginédda,
cumprindì no lu poʹ caʹ no lu próa
lu buléu chi pìglia
menti e córi, più nudda conta, nudda
l’assumìglia, t’imbara linta e pinta
chissa bandéra, puru
imbruttadda a lozzu i’ la soʹ andéra.
L’altra éra ruia cumenti lu sangu
ùltimu di caʹ pena, sangu asprósu
di caddena da isciuglì
in un mondu chena falzialiddai,
undi sia sólu l’ommu la misura
di chissa chi cjammemmu libartai.
Ah, canti affichi tènnari ischalduddi
a chissa fiara laddra
di passioni, di sònnii pittinaddi
e pugni isthrinti e ànimi calpuddi
a dugna triniggà a dugna bulioni.
Avà ch’è frina cantu primma infiava
e ischiggiadda s’è tróppu la bandéra
mi piagi immagjnalla
cument’éra, ilpiranza di li senza
sórthi, puru sabendi chi un matessi
ventu no bàsgia mai
la matessi rósa dui vólthi.
La terza l’àggju sólu disigiadda,
indiffarenti a mìmmuli e culóri,
una bandéra fatta
di mimóri, sisthadda figgjulendi
a lu dumani, cusgidda d’olgógliu
e identiddai, filadda cun paràuli
in una linga chi no vularìstia
vidè murì mai. Bandéra di chistha
meʹ terra masthrusgiadda, manna cantu
è manna la furtuna,
alta da mari a carignà la luna
e lalga da l’affutta
a la rasgioni, bandéra bramadda,
austhidda, ingannadda,
piccaddu no vidélla mai pisadda…
Giuseppe Tirotto
Poesia già vincitrice del
I Concorso di poesia “Caragnani” – Calangianus
(marzo 2016)
Secondo Premio ex aequo
Jannas serradas
Sunt tempos de disterru
in sas carrelas mudas de sa ‘idda,
prenas de soledade.
Calat de su lentore calch’istidda
in pedras chena edade
e sonant sas campanas de s’interru.
Cantas jannas serradas,
in bighinados òrfanos de zente
e de lentolos tesos,
cando ti prenaiat coro e mente
su nuscu ‘e sos inchesos
de su pane ‘e sas tancas sueradas.
Impedrados isfatos
non bient prus currinde, a pês iscurtzos,
pitzinnos a fiotu,
cun totu fatu, in caltzoneddos curtzos,
cuntentos gai etotu
de duos pinzos ùmiles baratos.
Sas notes de istiu
sunt como imboligadas de mudine.
De sa tonca su cantu
paret contande ‘e su tempus sa fine.
E po sa luna ispantu
gosat ebbia s’abba de su riu.
Ite làstima ‘e logu,
disamparadu, fritu, brivu ‘e vida.
Bator ànimas tristas
chircant s’ùltima ispera isvanessida.
Cun sas carenas pistas
colant ilgerros longos cara a fogu.
E sas domos isetant
meres nôs chi lis torrent un’alenu.
E dies de sulenu
lughes noas atzèndere bi fetant.
Giangavino Vasco
già vincitrice dell’
XXI edizione del premio “Santa Barbara”, Sez. poesia in rima – Silius
(dicembre 2016)
Secondo Premio ex aequo
ERA UNA NOTTI D’INVERNU
Era una notti cupa d’invernu
quidda notti,
u bugghju invurtulàia
a luci du tramontu
e i me urtimi cirtezzi.
U rummóri du ’entu fra l’aiacci
era a vóci du mari e tu, Isula, una navi
chi surcàia l’acqui aggrispìti di l’anima,
mentri u sciurinu t’allisciàia
liggéru i fianchi.
Era cardu cum’u ventri d’una mamma
u to fasciammu,
sicuru camminu u ponti
undi, da criaturu, pruàiu
a ddà a manu a u tempu.
Perché ribiddàmmi, tandu?
Eppuri nun eru prontu
a affruntà i scóddi da vita,
a piddà pe i surchi prufundi da rialtà.
Chissà quali sogni avarìu vulutu sugnà
cun tuttu quiddu ghjélu
e u tantu amaru supr’i labbri…
Forzi nun t’aìu capita
chjusu in quistu me mandìllu di terra
da undi – sinnò cu a fantasia –
mai passàiu u dumani.
E cussì cume Ghjuda
agghju aspittatu in silenziu u bugghju
pe sintimmi ommu
e basgiàtti cum’un amanti insuddisfattu
fra girmogli di malincunia
e linzóli musginati,
rinnighendi l’ecu di mumenti di piacéri:
a te, justu un pinzéru.
Era una notti cupa d’invernu, quidda notti:
mancu a luna, a fammi cumpagnia.
Domenico Battaglia
già vincitrice dell’
I Premio Premio “Lungoni” – Santa Teresa Gallura
(dicembre 2016)
Secondo Premio ex aequo
INGURTOSUS
Dd’iant nau ca sa vida est amori
e issa amàt
dd’iant nau ca s’amori est dolori
e po amori sunfriat
dd’iant nau
ca is cantzonis pru’ bellas
nàscint de sa tristura
e issa cantànt.
Cantàt po su mundu
candu acuàt is froris
cun su prantu sùu etotu.
Cantàt cun dilicadesa
candu poniat sa mesa
e,sut’’e oxi, me in sa ia
torrendi de iscola
studiàt, a memòria, sa poesia.
Cantàt in Crèsia a pàlas de s’artari
e po su mari chi non connoosciat…
Imoi non càntat prus
càstiat de sa fentana
s’orizonti sùu, oramai fertu.
Nèmus scìt poita
dónnia noti, bestia de spigas
tèssit tràmas coloràdas
sinnàdas cun su sèssini
e ddu-i siddat, cun su pèttini
is cantzonis non cantàdas.
Est or’e Missa…
Una ‘òxi ‘e “sirena”
lampàda de una luxi asula
at cantau, disisperada
po issa.
Cantu Ingurtosus
in sa stula assoliada
ant a bìnciri, ancora
sa scumissa?
Teresa Piredda
già vincitrice della
LXVI edizione del premio “Ozieri” Sez. “Antoni Sanna”- Ozieri
(novembre 2025)
Secondo Premio ex aequo
Abbèntu sulianu.
Speri di luci
d’un soli nascenti
tra frondi frimenti gjocani
inn’un ariosu trimulèu.
Fantàstichi friguri
riflettin’ illu speccju
d’un anticu treppédi,*
ill’azza a lu balconi
undi m’abbivu cu l’ea frisca.
“Drommi, drommi e no t’avvidi
l’abbentu chi se’ paldendi!
Luci e umbri so’ baddhendi
lu me cori zittu ridi”.
S’è fendi dì, ma no ti sciutu!
Vi pensarà lu soli
aggraziàtu a sciutatti…
cu’ li carigni di li sò rai luminosi
c’attraessani abbalturi
calpiti da lu tempu.
Cussì, un tebbiu calori
iscaldarà li to’ canteggji,
finz’a lacatti cumprì
li sonni dulci chi se’ fendi.
Andrea Columbano
già vincitrice della
XII Edizione premio ARCI “Città di Olbia” – Olbia
(dicembre 2025)
Secondo Premio ex aequo
PARAGULAS MUSTRENCAS…
Paràgulas mustrencas
predas de un’istòria
fravicada a baratu
chin soddos de faddinas balentias
dissipadas
in ballos de dillirios de cherbeddu.
In s’arjola ‘e su discòdiu
si nch’est morta
s’ùrtima grina ‘e sole ‘e su sentiu
dae sa duda atitada
in lacheddos de frassa
dinnidade…
Paràgulas mustrencas
in su pessu mi luchent,
che mariposas a su mori-mori,
in punnas d’ispalatare
s’iscuru ‘e s’ischire
benidore…
Ma non resèssint galu a ischelare
sas tramas carcas de su prezudìssiu…
In s’uricra mi sichint
a tronare
sos tùnchios de pitzinnos sichizones
pedinde un’impuddile
‘e libertade
in custa note surda
respirande a retentu…
Paràgulas mustrencas
mi carinnant s’umore
de su chèrrere nudu
chi mi tremet in labras che sisìa…
Ma non m’essit a pizu
su chi narrer d’afetu
a su mundu cheria…
Oh, Poesia…
Si nessi Tue podias
chin s’alenu ‘e sa pache
inchender unu sole
in sas cussèntzias
dae s’òdiu iscuricadas…
Jubanne Piga
già vincitrice del
XXVIII concorso di poesia “CREI – ACLI”, Sez. versi sciolti – Orgosolo
(novembre 2016)
Secondo Premio ex aequo
TRISTAS POESIAS
It’ est custu pidìnu chi mi siddit sos
sensos cando sa notte intzittat a
drommire? Che undas in traìnu si
pressighin sos pensos in s’anima
bramosa de l’ischire.
E sas oras che passan
chirchende su reposu in
s’affianzu de sa luna in giru, ma
non drommo e mi lassan
nevrile e fastizosu a manu
tenta cun calchi suspiru.
Si sos ojos s’imbasan sos bisos
s’impossessan de criaduras e
mamas in dolu chi s’abbratzan e
basan preghende chi l’intessan
unu viver de paghe e de
consolu.
In puppias, a trettos, cumparin e
isparin trumas de zente cun chizas
altzadas chirchende chelos
nettos… chelos chi non s’ilgiarin
pro cussa vida issoro in
temporadas.
Disisperados pregan de brincare su
mare che rundines in chirca ‘e sos
beranos. A sas undas s’intregan
ingratas pro lis dare s’approdu tzertu
e lughidos manzanos.
Ma sos pidìnos mios sun
chi non bi resessan a
toccare sa terra disizada,
e in ojos surzìos sos bisos
mi suppressan
‘ogni sensu chi pasu non mi dada.
E sun sas nottes mias isteddadas de tristas poesias!
Antonio Maria Pinna
già vincitrice della
XXXV Edizione Premio ‘e poesia Sarda, Sez. in rima – POSADA
(agosto 2016)
Secondo Premio ex aequo
UNU GIASSU DE LUXI
Abbellu abbellu
sa vida
si furriat in pimpirinas
che leura arridada
fata arrogus e scallada
in sa soledadi
e su disisperu alluinanti
de is campus.
Si trisinant cansaus
andendi spramaus
che pillonis fetus
chi ant stramancau
sa bia ‘e sa torrada
e una terra chene làcanas.
A unu a unu
si disterrant atesu
de sa gherra e su fàmini
donniunu solu
solu
in is dis sentz’e amparu
sentz’e unu cras.
Donniunu solu
arrefudau e grisau
de su benistai
in circa ‘e unu chemu
lastimosu de terra
aundi stuai su biaxi
tropu grai
de soledadi e tristura.
Donniunu solu
in circa ‘e unu giassu
mancai tremi-tremi
de luxi
e de unu srucu de umbra
aundi fai” nasci’ torra,
de su sèmini
prìngiu de i-sper’abbetiosa
sa vida e sa piedadi.
Guglielmo Piras
già vincitrice della
IV Edizione “Saboris e coloris de Iscroca” Sez.versi liberi – Escolca
(giugno 2016)
Secondo Premio ex aequo
Limbamama
Nde semus istracos o mama
de cùrrer’ debadas iscurtzos
in tundu a sa punta ‘e sa lama
ch’otora nos punghet sa duda
tra chèrrer’ e non su chi semus
tra tìmer’ e non chi semus
tra tìmer’ e non su chi amus
tra fùer’ e non su ch’amamus
Che dòlima pìdiga e muda
o mama nde semus istracos…
de sos ch’a potentes istranzos
si benden comente teracos
pro nd’aer profetu e balanzos
Limbamama…Limbamama…
Frorìzanos tando a pispizos
sas mezus peràulas tuas
che dìliga mama a sos fizos
Istrìnanos ledres sas fruas
de milli faeddos in frore
E sàlvanos dae sa lua
d’antigas birgonzas e feles
pro ch’iscat sa rèpula tua
cun atza cantare a primore
s’ispantu de te Limbamama
in sònidos durches che mele
sighende a nde tèsser’ sa trama
Limbamama… Limbamama…
Mamalimba…Mamalimba…
Pier Giuseppe Branca
già vincitrice
Concorso di poesia “Po Peppino Mereu”, Sez. musicale – Tonara
(novembre 2025)